का कुणा विचारू दिसला का तुम्हा !
निजले होते मी एकांती झाडाखाली,
उठल्यावरी दिसले निसर्ग हा समोरी !
होती राने-वने नी खळखळणारी नदी,
डोंगराची ती रांगे होती नदी किनारी !
डोंगराच्या मधूनी सूर्य हा उगवला,
का कुणा विचारू दिसला का तुम्हा !!
रंगेबिरंगी फुलं हे बागेत फुललेले,
वाटे मला जणू का किती सुंदर बहरले !
पक्षांचा थवा हा आकाशी उडाला,
तिकडे हळूच हा वाऱ्याचा शहारा !
हो अशी नवी पहाट दिसली ही मला,
का कुणा विचारू दिसला का तुम्हा !!
मन आनंदी झाले दृश्य पाहून सारे,
वाटे मला हे कधी न विसरावे !
निसर्ग दृश्य हे नयनी असे रमले,
स्वप्नी माझा हा निसर्ग भेटला,
वाटे मला हा भेटेल का पुन्हा..!!
Comments
Post a Comment